Dillee Ke Dil Kanot Ples Mein thak-thak Gang Se Rahen Bach Kar, Gire Rupaye Uthaane ka Laalach Pad Sakata Hai Bhaaree! - Hindi News Report

Breaking

Dillee Ke Dil Kanot Ples Mein thak-thak Gang Se Rahen Bach Kar, Gire Rupaye Uthaane ka Laalach Pad Sakata Hai Bhaaree!

Dillee Ke Dil Kanot Ples Mein thak-thak Gang Se Rahen Bach Kar, Gire Rupaye Uthaane ka Laalach Pad Sakata Hai Bhaaree!

dillee ka dil kanot ples, jise ilit klaas kee maarket bhee kaha jaata hai. vahaan sthit sentral paark kee raunak aapaka man moh letee hai. dashakon baad bhee paalika baajaar aaj bhee graahakon ko apanee taraph aakarshit karata hai. vaheen yahaan aparaadh kee duniya bhee utanee hee niraalee hai. kanot ples pulis steshan ke esecho vinod naarang aur unakee teem kee tamaam chaukasee ke baad bhee aparaadhee pulis ko naakon chane chabavaane se nahin chookate.
vaheen aajakal thak-thak giroh ne kanot ples mein apana dera daal liya hai. shukravaar ko dopahar 3.56 minat par anuraag agravaal ka draivar isee thak-thak giroh ke jhaanse mein aa gaya aur thak-thak giroh nakadee, dastaavej, laipatop se bhara baig palak jhapakate hee le uda.


Kya Hai Thak-Thak Giroh

yah kaar, esayoovee ko apana nishaana banaata hai. ise chaar-paanch log milakar anjaam dete hain. aamataur par thak-thak giroh ke nishaane par kaar, esayoovee jaisee gaadiyaan rahatee hain. ek yuvak gaadee kee rekee karata hai. gaadee baig, mobail ya laipatop aadi jaisa saamaan hone kee jaanakaaree deta hai. doosara yuvak saamaan uthaane ke lie sahee jagah par pahale hee aa jaata hai. jabaki ek teesara yuvak kuchh door par khada rahata hai. usaka kaam doosare yuvak se mile baig ko lekar surakshit sthaan par bhaagana hai. ab chautha yuvak yaanee thak-thak ek baar gaadee ke paas saavadhaanee se gujarata hai aur draivar seet ke paas rupe bikher deta hai. rupaye giraane ke baad vah draivar ko thak-thak (nok) karake kuchh gire hone kee jaanakaaree deta hai. draivar laalach mein aakar rupaye ekatr karane lagata hai aur saamaan le jaane ke lie khada yuvak jara bhee der nahin lagaata aur baig aadi lekar raphoo-chakkar ho jaata hai.

Pulis ke Pakadate Hee Taiyaar Khade Rahate Hain Vakeel

kanot ples pulis steshan ke adhikaariyon ke mutaabik yah gaing kaaphee bada hai. gaing ka sanchaalan kaheen aur se hota hai. is gaing ke log kabhee pakade bhee gae, to bachaane ke lie vakeel taiyaar khade rahate hain. bataate hain isaka intajaam gaing ka saragana karata hai. jaise hee giroh ke sadasy pulis kee girapht mein aate hain, vakeel jamaanat lene se lekar mukadama ladane se bachaane kee har sambhav koshish karate hain. jisake chalate thak-thak giroh kee pau baarah rahatee hai. bataate hain aae din thak-thak gaing is tarah se logon ko apana shikaar banaata rahata hai.

kahaan se aata hai thak-thak giroh

thak-thak gaing ke kuchh pakade gae yuvakon ka sambandh tamilanaadu ke tiruchiraapallee se hai. vahaan raamanagar naam ke muhalle ke yuvak badee sankhya mein is vaaradaat ko anjaam dene ke lie dillee samet any shaharon mein jaate hain. bataate hain inakee khaasiyat hai ki ek bada shikaar pakadate hee ye kisee naee dillee ya puraanee dillee se jaane vaalee relagaadee par savaar ho jaate hain. isake baad inaka raasta seedha tiruchiraapallee kee taraph hota hai. isake chalate aise maamalon kee padataal kaaphee jatil ho jaatee hai. esecho vinod naarang bataate hain ki pichhale kuchh samay se lagaataar dabaav banaane, pulis ke tiruchiraapallee tak jaakar aaropiyon ko pakadakar laane ke baad thak-thak giroh kanot ples mein nahin dikhaee pad raha tha, lekin ab idhar phir isake sakriy hone kee soochana hai.

baratie saavadhaanee

thak-thak giroh se bachana hai, to saavadhaanee baratie aur laalach par kaaboo rakhie. kanot ples ya is tarah ke baajaar mein gaadee ka sheesha band kar aur lok karana na bhoolen. gaadee ko khula chhodate hee thak-thak giroh apana kaam kar jaega. itana hee nahin yadi koee shakhs aapake paas aae aur kuchh gire hone kee baat kahe, to usakee baaton mein na aaen. yadi gaadee ke paas koee saamaan gire hone, paise gire hone jaisee soochana de, to us par aap yakeen na karen. kyonki jara sa laalach aapaka bada nukasaan karava sakata hai.